Idazlan laburra

Aitor Urrutikoetxea
SGAEko zuzendaria
2011ko urtarrilaren 9a

Zuzendari jauna:
Eskutitz honen bitartez zuregana jotzen dut sortu zaidan arazoa konpontzeko asmoaz. Irati Salazar gitarra jolea naiz, eta jakingo duzunez orain dela gutxi disko bat kaleratu nuen. Aste pare bat pasa da jadanik eta oraindik ez da bat ere saldu. Betidanik jakin dut musikariaren bizitza ez dela erraza, baina egoera hau ez zait normala iruditzen. Gainera, nire arazoak konponbidea badu eta horregatik idatzi dizut, uste dudalako zuk ni, eta beste musikari asko, laguntzeko zerbait egin dezakezulako.
Jakina da gaur egun gazteak internetetik jaisten dituztela gustuko dituzten abestiak, eta normala da; izan ere metodo arinagoa da, dohainekoa eta askoz erosoagoa. Baina jendeak ez du kontuan hartzen musikariok ere lan egiten dugula eta modu horretan gure esfortzu guztiak ez duela ezertarako balio. Hori dela eta, egoera hau konpontzeko neurri batzuk hartu beharko genituzkeela uste dut. Behar bada diskoen prezioa murrizten badugu jendea hauek erostera gehiago animatuko da; izan ere, esan beharra dago gaur egun diskoen prezioa oso altua dela eta jende askok horregatik ez dituela erosten. Arazoa konpontzeko beste aukera bat zera da, internetetik egindako deskarga bakoitzeko diru kopuru bat, ez oso altua, eskatzea. Baliteke jendeak hasiera batean erabaki hau ez onartzea, baina ulertu beharra dute musikariok ere gure bizitza modu batean edo bestean aurrera atera behar dugula.
Honenbestez, eta nire eskaria kontuan hartu eta egoera hau konpontzeko zerbait egingo duzulakoan, agur.
Begirunez,
Irati Salazar